Është ngritur aktakuzë nga Prokuroria Speciale e Republikës së Kosovës (PSRK) kundër të pandehurit me inicialet M.E, për blerje, posedim, shpërndarje dhe shitje të paautorizuar të narkotikëve, substancave psikotrope dhe anologe.
Sipas njoftimit, bëhet e ditur se i pandehuri kishte kryer veprat penale me qëllim të përfitimeve.
“Prishtinë, 26 maj 2023 – Prokuroria Speciale e Republikës së Kosovës (PSRK) ka ngritur sot aktakuzë në Gjykatën Themelore në Prishtinë – Departamentin Special, kundër të pandehurit me inicialet M.E. Prokuroria Speciale njofton se i pandehuri M.E. me dashje dhe me qëllim që vetës t’i sjellë përfitim pasuror të kundërligjshëm, ka vepruar në bashkëkryerje edhe me të pandehurit tjerë tashmë të dënuar, të cilët pa autorizim kanë shpërndarë, shitur, transportuar, ndërmjetësuar në shitje, e duke dërguar në transit substanca narkotike të shpallura me ligj si substanca të ndaluara, respektivisht substancë narkotikë të llojit ‘marihuanë’ në sasi të konsiderueshme”, thuhet në njoftim.
Në të njëjtin, bëhet e ditur se me veprimet e lartcekura, i pandehuri M.E. në bashkëkryerje ka kryer veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe anologe’’ nga neni 267 paragrafi 2, lidhur me par.1 dhe nenin 31 të KPRK-së.