Sindikata e Re e Korporatës Energjetike të Kosovës (KEK) ka paralajmëruar protestë të premten e 28 prillit.
Ky paralajmërim i protestës vjen pasi kërkesa e punëtorëve të KEK-ut për ngritjen e pagave sipas njoftimit të bërë nuk është realizuar.
“Protesta do të mbahet para zyrave të KEK-ut në Sheshin “NËNË TEREZA”. Qëllimi i Protestës është: Ngritja e pagave për të gjithë punëtorët e KEK-ut”, thuhet në njoftim.
Tutje thuhet se edhe “pse ishte një premtim nga ana e Bordit për realizimin e kërkesës së Sindikatave të KEK-ut por edhe premtim publik përmes komunikatës së datës 03.04.2023, përkundër premtimit kjo nuk po ndodhë prandaj ne vazhdojmë”.
“Ngrite zërin për ta ngritur pagën”, është motoja e kësaj proteste.