Berndard Nikaj ka përfaqësuar Partinë Demokratike të Kosovës (PDK) në Forumin Ndërkombëtar të Liderëve (ILF), organizuar nga NDI në kuadër të Konventës Kombëtare të Partisë Demokratike (DNC) në Çikago.
Këtë e ka bërë të ditur vetë Nikaj përmes një shkrimi në Facebook, ku ka theksuar se pjesëmarrja e tij është vazhdimësi e raporteve të PDK-së me akterët politikë në ShBA.
“Nder dhe kënaqësi që, në emër të Kryetarit Memli Krasniqi, të përfaqësoj Partinë Demokratike të Kosovës në Forumin Ndërkombëtar të Liderëve (ILF), organizuar nga NDI në kuadër të Konventës Kombëtare të Partisë Demokratike (DNC) në Çikago.
Pas vizitës së kandidatit tonë për Kryeministër, z. Bedri Hamza, javën e kaluar në Ëashington, pjesëmarrja ime në DNC është vazhdimësi e kultivimit të raporteve të shkëlqyera të PDK-së me të gjithë akterët politikë dhe shtetërorë në SHBA.
Rruga e Kosovës drejt së ardhmes euro-atlantike është e pamundur pa mbështetjen e plotë të Shteteve të Bashkuara të Amerikës”, ka shkruar Nikaj.