Ka nisur protesta në përkrahje të minatorëve të Trepçës, e organizuar nga familjarët e minatorëve që gjenden brenda në minierën e Trepçës dhe nga Sindikata e Minatorëve.Kjo protestë është organizuar nga familjarët e minatorëve që gjenden nën 800 metra nën tokë dhe nga Sindikata e Minatorëve.
Kjo protestë është duke u mbajtur përballë objektit të menaxhmetit të Trepçës.
Sot është dita e tretë e grevës së urisë, ata jo vetëm se janë duke mbajtur grevë por kanë refuzuar edhe ushqimin dhe pijet tash e dy ditë.
Ndryshe, Fevzi Ademi nga Sindikata e Minatorëve gjatë ditës së djeshme ka deklaruar se greva e urisë e minatorëve të Trepçës do të vazhdojë deri në plotësimin e tri kërkesave të tyre.
Ai, në emisionin “Five”, tha se kërkesa e parë është që të mos ketë më vonesa në pagesa, të shkarkohet menaxheri i ndërmarrjes Trepça dhe pika e tretë sigurimi shëndetësor dhe plotësimi i kushteve për punë.
“Është ekzekutuar pjesa e mbetur e pagës sot, mirëpo aty me kërkesat që kanë dalë nga grevistët minatorë, janë tri kërkesa. Pagat të mos ketë vonesa në vazhdim… pika e dytë lirimi nga detyra i menaxherit të ndërmarrjes dhe pika e tretë sigurimi shëndetësor dhe plotësimi i kushteve”, tha ai.
Përndryshe, gazetarja Vlora Selimi është duke përcjellur nga afër grevën e urisë nga minatorët e Trepçës, të cilët janë në një thellësi prej 800 metrash nën tokë.
Selimi ka potencuar se gjatë qëndrimit të saj gjatë ditës së djeshme me minatorët nën tokë prej 800 metrash thellësi, ka qenë një “ndjenjë e papërshkrueshme”.