Një delegacion nga Departamenti i Mbrojtjes për Bashkëpunim Ndërkombëtar i Shteteve të Bashkuara të Amerikës ka vizituar Policinë e Kosovës të premten e 18 nëntorit.
Vizita e delegacionit nga SHBA-ja e kryesuar nga Sofia Elgarresta, është takuar fillimisht me u.d. drejtorin e përgjithshëm të Policisë së Kosovës Fehmi Hoti me bashkëpunëtorë.
Takimi është mbajtur në ambientet e Drejtorisë së Përgjithshme të Policisë në Prishtinë.
Gjatë takimit është diskutuar rreth bashkëpunimit dhe partneritetit reciprok në mes të Policisë së Kosovës dhe aleatëve nga Shtetet e Bashkuara të Amerikës.
Delegacioni nga SHBA-të ka realizuar edhe disa vizita në disa njësi brenda PK-së, përfshirë Drejtorinë për Bashkëpunim Ndërkombëtar në Fushën e Zbatimit të Ligjit.