Një person ka vdekur si pasojë e një vetaksidenti me motoçikletë në Shtupeq të Rugovës dhe një tjetër është lënduar, i cili po ashtu ka qenë në këtë motoçikletë.
Lajmin për Dukagjinin e ka konfirmuar zëdhënësi i policisë për rajonin e Pejës, Fadil Gashi.
“Një aksident me motoçikletë[motor katër rrotësh] ka ndodhë rreth orës 16:40, në Shtupeq të Rugovë, në të kanë qenë dy persona, ku njëri prej tyre ka ndërruar jetë dhe tjetri ka marrë lëndime trupore. Vdekjen e tij e ka konstatuar mjeku kujdestar. I vdekuri është i moshës rreth 40-41 vjeçare”, ka thënë Gashi për Dukagjinin.
Ai tha se në vendngjarje kanë dalë njësitet kompetente dhe prokurori i shtetit, ndërsa i lënduari është duke u trajtuar në Spitalin e Pejës.