Instituti Kombëtar i Shëndetësisë Publike (IKSHPK) ka njoftuar se gjatë 24 orëve të fundit, në Kosovë një person ka vdekur si pasojë e Covid-19, si dhe janë shënuar tri raste pozitive.
Pas shtimit të rasteve gjatë muajit dhjetor të vitit 2022, ky është rasti i parë me fatalitet si pasojë e koronavirusit pas një kohe të gjatë.
Të shëruar në 24 orët e fundit nga koronavirusi janë 15 persona.
Po ashtu, IKSHPK-ja ka bërë të ditur se në 24 orët e fundit janë kryer 69 testime për Covid-19.
Ndërkaq, një ditë më parë, më 28 janar, nga 115 testime për Covid-19 janë shënuar 4 raste pozitive.