Një kompani ushqimore nga Kosova, ka njoftuar se i kanë rritur çmimet e produkteve për shkak të ndërprerjeve të shpeshta të energjisë elektrike.
“Me keqardhje na duhet të ju njoftojmë që për shkak të ndërprerjeve të shpeshta e të gjata të energjisë elektrike, jemi të detyruar t’i ngrisim çmimet e produkteve!”, thuhet në njoftimin e kompanisë në fjalë.
Ndërkaq, Zëdhënësi i Kompanisë Kosovare për Distribuim me Energji Elektrike në Kosovë (KEDS), Viktor Buzhala, ka njoftuar se edhe të martën e 16 gushtit do të vazhdojë kufizimi i energjisë elektrike.
Ministria e Ekonomisë u ka bërë thirrje qytetarëve dhe bizneseve që të marrin masa kursimi dhe të jenë sa më të kujdesshëm në përdorimin e energjisë elektrike.
Po ashtu, kanë njoftuar se institucionet do të vazhdojnë të bëjnë përpjekjet maksimale për të ruajtur furnizimin e rregullt me energji elektrike gjatë ditëve në vijim.