Është arrestuar një person në Gjilan, për shkak se fillimisht nuk e ka respektuar urdhrin e zyrtarit policor për ta ndaluar veturën e tij, pastaj pasi e ka ndaluar veturën, është nisur vrullshëm në drejtim të policit.
Zyrtari policor ka arritur që përmes xhamit të hapur t’ia marrë çelësat e veturës dhe ta fikë veturën.
Në raportin 24-orësh të Policisë së Kosovës bëhet e ditur se zyrtari policor dhe i dyshuari kanë pranuar tretman mjekësor.
“SULM NDAJ PERSONIT ZYRTAR Gjilan / 02.05.2024 – 17:20. Është arrestuar i dyshuari mashkull shqiptar, shtetas i Serbisë, pasi nuk ka respektuar zyrtarin policor për të ndaluar veturën e tij dhe i njëjti pasi është ndalur me veturë ka nisur veturën vrullshëm në drejtim të policit, ku polici ka arritur përmes xhamit të hapur t’ia marrë çelësat e veturës dhe të fikë veturën. Zyrtari policor dhe i dyshuari kanë pranuar tretman mjekësor. Me vendim të prokurorit, i dyshuari është liruar dhe rasti shkon në procedurë të rregullt”, thuhet në raportin policor.