Policia e Kosovës ka njoftuar se një pjesëtarë i saj, ka mbetur i lënduar si pasojë një sulmi nga persona të armatosur të cilët kanë shtënë me armë të gjatë në drejtim të patrolles së policisë në fshatin Serbovcë në Komunën e Zveçanit.
“Sot me datë 08.12.2022, rreth orës 23:00, në fshatin Serbovc, Komuna e Zveçanit, Njësitet policore deri sa kanë qenë në detyra të rregullta, në patrullim, janë sulmuar nga persona të armatosur me armë të gjata, nga një automjet i tipit Audi, ngjyrë hiri, me targa KM”, thuhet në komunikatën e Policisë së Kosovës në Facebook.
“Si pasoj e incidentit, një pjesëtarë i Policisë së Kosovës është lënduar lehtë dhe janë shkaktuar dëme të konsiderueshme materiale në veturën e policisë”, kanë shtuar policia.
Sipas PK-së zyrtari policor i lënduar është transportuar në QKMF për ofrimin e ndihmës mjekësore.
Ndërsa ata kanë përfunduar duke njoftuar se “njësitet relevante policore kanë dalë në vendngjarje, për të kryer hetimet”.