Një qytetar ka dorëzuar në stacionin policor në Prishtinë një portofol të cilin e kishte gjetur me një shumë parash dhe dokumente personale.
“Policia vazhdon të jetë adresa e parë, të cilës qytetarët i besojnë dhe i drejtohen”.
Ky rast, siç ka njoftuar Policia e Kosovës, ka ndodhur të dielën dhe portofoli është dorëzuar në stacionin policor “Qendra” në Prishtinë.
“Dje në stacionin policor Qendra, në Prishtinë, një qytetar A.B, ka dorëzuar një portofol ku kishte një shumë parash dhe dokumente personale, të cilat i janë kthyer pronarit. Duke çmuar këtë gjest human, falenderojmë të gjithë qytetarët për bashkëpunimin e vazhdueshëm me Policinë e Kosovës”.