Nora Gjakova ka fituar ndeshjen në gjysmëfinale, duke kaluar tashmë në finalen e madhe në Grand Slamin që po mbahet në Baku të Azerbajxhanit.
Gjakova ka fituar tri ndeshje radhazi në kategorinë deri në 57 kilogramë.
Në finale, xhudistja jonë do të ndeshet kundër garueses nga Kanada, Christa Deguchi.
Gjakova kishte kaluar pengesën e parë duke mposhtur gjeorgjianen Nino Loladze në kategorinë deri në 57 kilogramë, duke triumfuar me një “Ippon” vendimtar, që është rezultati më i lartë që një luftëtar mund të arrijë në një garë të tillë.
Gara zgjati vetëm 20 sekonda, kur Nora Gjakova tregoi aftësitë e saj të jashtëzakonshme ndaj kundesë së saj.
Më pas, Gjakova ka fituar edhe ndeshjen e tretë për ta siguruar kalimin në gjysmëfinale në Grand Slamin që po mbahet në Baku të Azerbajxhanit.