Lidhur me këto dy dorëheqje, ka reaguar pas dy dorëheqjeve të fundit nga anëtarët e Bordit të RTK-së edhe Misioni i Organizata për Siguri dhe Bashkëpunim në Europë (OSBE), në të cilët thuhet se kërkesa e tyre është emërimi i bordit dhe drejtorit të përgjithshëm të RTK-së të jenë “transparent dhe i bazuar qartë në merita”.
“Misioni respekton vendimet e tyre si të marra në interes të respektimit të standardeve më të larta të gazetarisë etike dhe të ruajtjes së integritetit të mediumit publik”, thuhet në reagimin e OSBE-së.
Organizata theksoi rëndësinë e llogaridhënies dhe transparencës “për ruajtjen e besimit të publikut në RTK dhe përkushtimin e saj për raportim të paanshëm dhe të përgjegjshëm mediatik dhe transmetim publik”. “Tashmë është e domosdoshme që Kuvendi i Kosovës të zgjedhë anëtarët e rinj të bordit të RTK-së si prioritet i lartë sapo të mblidhet sërish, në mënyrë që bordi të funksionojë sërish”, thotë OSBE.
OSBE kërkon që emërimi i anëtarëve të bordit dhe drejtorit të përgjithshëm të RTK-së të jetë “transparent dhe i bazuar qartë në merita”.
RTK-ja momentalisht është pa drejtor të përgjithshëm. Shkumbin Ahmetxhekaj fillimisht dha dorëheqje nga kjo pozita për shkak të presionit politik, siç tha, ndërsa në vendin e tij, Zana Spahiu nuk qëndroi më shumë se disa ditë si ushtruese e detyrës së drejtoreshës së përgjithshme.