Osmani bisedon me presidenten e PE-së, kërkon përshpejtim të procesit të liberalizimit të vizave

Presidentja e Kosovës, Vjosa Osmani, ka zhvilluar një bisedë me presidenten e Parlamentit Evropian, Roberta Metsola, të cilës i ka kërkuar përshpejtimin e procesit të liberalizimit të vizave për qytetarët e Kosovës.

Në njoftimin e zyrës së presidentes, thuhet se gjatë këtij takimi virtual Osmani ka ritheksuar se populli i Kosovës është populli më proevorpian në botë, prandaj e meriton të drejtën e udhëtimit të lirshëm.

“Vlerat evropiane janë të mishëruara në Kushtetutën e Kosovës dhe përparimi i vazhdueshëm i vendit tonë në indekset e ndryshme të demokracisë dhe luftës kundër korrupsionit janë dëshmi që e ardhmja jonë e vetme është në familjen evropiane. Jemi të përkushtuar që të forcojmë marrëdhënien tonë për një rrugëtim të drejtë e të barabartë drejt Bashkimit Evropian”, thuhet në njoftim.

Në këtë bashkëbisedim është diskutuar edhe për dialogun midis Kosovës dhe Serbisë, ndërsa Osmani ka thënë se, Kosova është mjaft konstruktive në këtë proces.

Ndërkohë, presidentja Osmani e ka informuar presidenten Metsola për synimin e Kosovës për anëtarësim në organizata ndërkombëtare, dhe përpjekjet institucionale për rimëkëmbje nga pandemia.

Ndërkaq, presidentja Matsola e ka falënderuar presidenten Osmani për bashkërendimin e Kosovës me partnerët perëndimorë për luftën në Ukrainë, dhe ritheksoi kërkesën e vazhdueshme të Parlamentit Evropian për përshpejtim të liberalizimit të vizave.

Ndryshe, më 29 mars të vitit 2022, ish-ministri shtetëror gjerman në Evropë, Michael Roth, i ka bërë thirrje BE-së që ta mbajë premtimin për liberalizimin e vizave për Kosovën.

Në një shkrim në Twitter, pas takimit me emisarin e posaçëm të Bashkimit Evropian për dialogun Kosovë-Serbi, Miroslav Lajçak, deputeti gjerman ka thënë se Ballkani Perëndimor i takon BE-së.

“BE-ja duhet t’i mbajë premtimet: Duke nisur nga bisedimet për pranim me Shqipërinë dhe Maqedoninë e Veriut, e liberalizimin e vizave për Kosovën”, ka thënë ai.

Roth kishte shërbyer në postin e ministrit shtetëror për Evropën në periudhën 2014-2021, nën Angela Merkelin.

Shija e redaktorit

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Blinken duartroket rolin e Osmanit për hapjen e qendrës rajonale...

Sekretari amerikan i Shtetit, Antony Blinken, ka vlerësuar rolin e presidentes së Kosovës, Vjosa Osmani, në hapjen e qendrës rajonale “Gratë, Paqja dhe Siguria”...

Të fundit nga rubrika