Në 24-vjetorin e vrasjes, Presidentja e Kosovës, Vjosa Osmani, e ka kujtuar Xhemail Mustafën, të cilin e ka cilësuar si një njeri të jashtëzakonshëm, një aktivist politik dhe intelektual që dha gjithçka për lirinë dhe të ardhmen e Kosovës.
“Ai ishte një bashkëpunëtor i ngushtë i Presidentit historik, dr. Ibrahim Rugova, një njeri i devotshëm ndaj vizionit për një Kosovë të pavarur, të lirë dhe demokratike. Ai mbetet simbol i guximit, i integritetit dhe i përkushtimit ndaj vendit”, ka shkruar presidentja.
Ajo ka thane se vrasja e Mustafës mbetet një plagë e hapur, ndaj drejtësia duhet të vihet në vend.
“Qoftë i përhershëm kujtimi për Xhemail Mustafën!”, përfundon Osmani.