Presidentja Vjosa Osmani pas kthimit në Kosovë, ka folur për vizitën e saj me kryeministrin Albin Kurti në Shtetet e Bashkuara të Amerikës( SHBA). Ajo ka thënë se qëllimi i kësaj vizite ishte thellimi i bashkëpunimit dypalësh në mes të Kosovës dhe SHBA-së.
Sipas të parës së vendit, takimi me Sekretarin e ShBA-ve, Antony Blinken, ishte gjëja më rëndësishëm.
“Blinken ka rikonfirmuar partneritetin ndërmjet Kosovës dhe ShBA-ve”, ka thënë presidentja e Kosovës, Vjosa Osmani.
Tutje, ajo ka treguar se marrëveshja e nënshkruar me MCC-në është investimi më i madhe në Kosovë viteve të fundit.
“Kjo marrëveshje ka dëshmuar se SHBA-ja qëndron paranë partnerëve të saj strategjik dhe në ketë kohë”, ka shtuar ajo.
Gjithashtu, Osmani ka treguar se Sekretari i SHBA-ve, Blinken u ka dhënë “përkrahjen e plotë për reformat që Kosova është duke i zhvilluar, në veçanti në sundimin e ligji dhe për shumë çështje të tjera që jemi duke punuar së bashku me SHBA-në”.
Ndërkaq, Osmani ka treguar edhe për temat që i ka diskutuar me Sekretarin e ShBA-ve, Blinken.
Sipas saj, në rendin e parë ishte tema e fuqizimit të pozicionit të Kosovës në arën Ndërkombëtare pasi shumë shtete e organizate kanë pranuar Kosovën për shkak të përkrahjes së ShBA-ve.