Sot (e shtune) më 9 prill janë bërë 14 vjet nga miratimi i Kushtetutës së Republikës së Kosovës, e cila pas ratifkimit hyri në fuqi më 15 qershor 2008.
Kushtetuta e Kosovës ka gjithsej 14 kapituj dhe 162 nene.
“Në përvjetorin e Kushtetutes, sikurse edhe çdo ditë tjetër, duhet veprojmë, të sillemi e të ecim, siç thuhet në aktin më të lartë juridik: ta ruajmë dhe mbrojmë sovranitetin, i cili buron nga populli dhe i takon popullit. Urime Dita e Kushtetutës!”, ka shkruar Presidentja e Kosovës, Vjosa Osmani në rrjetin social Facebook.
Në Kushtetutën e Republikes së Kosovës thuhet se liderët politikë janë të vendosur për të ndërtuar një shtet të lirë, të përkushtuar për krijimin e një shteti të qytetarëve të barabartë.
Të zotuar që Kosova do të jetë shtet i prosperitetit social dhe të bindur që shteti i Kosovës do të jetë anëtar i denjë i familjes së shteteve paqedashëse në botë.