Presidentja e Kosovës, Vjosa Osmani, gjatë ditës së enjte është takuar me homologun e saj francez, Emmanuel Macron.
Pas takimit, Osmani përmes një postimi në X ka thënë se ajo ka theksuar rëndësinë e mbajtjes së Serbisë përgjegjëse për sulmin terrorist në Banjskë të Zveçanit, më 24 shtator.
“Një diskutim i rëndësishëm me presidentin francez Emmanuel Macron mbi zhvillimet e fundit të sigurisë në Kosovë dhe angazhimin tonë të përbashkët për paqen dhe stabilitetin e qëndrueshëm. Theksoi rëndësinë e mbajtjes së Serbisë përgjegjëse për aktin e saj të agresionit kundër Republikës sonë”, ka shkruar Osmani.
An important discussion with French President @EmmanuelMacron on recent security developments in Kosovo and our shared commitment for enduring peace & stability.
Stressed the importance of holding Serbia accountable for its act of aggression against our Republic. pic.twitter.com/GOMfQu2AtW
— Vjosa Osmani (@VjosaOsmaniPRKS) October 5, 2023
Osmani u takua me presidentin francez në kuadër të samitit të liderëve evropiane që po mbahet në Spanjë.