Presidentja e Republikës së Kosovës, Vjosa Osmani, të martën e 17 janarit ka pritur në takim ambasadorin italian në Kosovë, Antonello De Riu.
Në takim siç njofton zyra e presidencës u diskutua për zhvillimet e fundit në vend, me ç’rast u potencua rëndësia e koordinimit dhe bashkëpunimit të rregullt me vendet aleate.
Ndër të tjera, është diskutuar edhe për raportet e shkëlqyera në mes të Kosovës dhe Italisë.
Në këtë kontekst bëhet e ditur se është theksuar potenciali i lartë për hapjen e kapitujve të ri të bashkëpunimit dhe realizimin e projekteve relevante në dobi të qytetarëve.
Ndryshe, një takim i tillë erdhi në prag të vizitës së Presidentes Osmani në Itali.