Presidentja e Kosovës, Vjosa Osmani gjatë vizitës së saj në San Salvador ka takuar kryeministren e Guinesë Ekuatoriale, Manuela Roka Botey.
E para e vendit me të ka diskutuar për thellimin e komunikimit dhe bashkëpunimit në mes dy shteteve.
Osmani ka theksuar se Kosova është e përkushtuar që të punojë ngushtë me partnerë në mbarë botën në fusha të interesit të përbashkët.
“Në San Salvador, takova Kryeministren e Guinesë Ekuatoriale, Manuela Roka Botey, me të cilën diskutuam për thellimin e komunikimit dhe bashkëpunimit në mes të shteteve tona. Kosova është e përkushtuar që të punojë ngushtë me partnerë në mbarë botën në fusha të interesit të përbashkët”, ka shkruar Osmani në Facebook.