Sot me rastin e ditës ndërkombëtare të fëmijëve, Presidentja e Kosovës, Vjosa Osmani, ka uruar më të vegjëlit, përmes një videomesazhi në rrjetin social Facebook.
“Sot siç e dini është dita e fëmijëve me ç’rast dua t‘i uroj të gjithë më të dashurit tanë, pjesën më të bukur dhe potencialin më të madh të shoqërisë sonë”.
Ajo tregoi që sot do ta ketë një cikël vizitash në vend duke filluar nga qyteti i Pejës dhe se do të marrë pjesë në aktivitetet e organizuara për nder të kësaj feste.
“Do të kemi shumë aktivitete me kryetarin e komunës me fëmijët, përfshirë fëmijët me nevoja të veçanta dhe do të vizitojmë edhe shkollën fillore “8 marsi”, ka thënë ajo.
Nga ana tjetër, në kryeqytet festa ka filluar me aktivitete të shumta para mesditës dhe do të zgjasë deri në orët e mbrëmjes me koncertin përmbyllës në shkollën fillore “Elena Gjika”.