Pas disa javësh pushimi, sot rifillon puna në Gjykatën Speciale në Hagë, me seancat gjyqësore, që përfshijnë krerët e Ushtrisë Çlirimtare të Kosovës (UÇK).
Procesi gjyqësor ndaj ish-krerëve të UÇK-së filloi në prill të vitit 2023, ndërsa të akuzuarit janë në paraburgim që nga viti 2020.
Në më shumë se një vit të seancave gjyqësore, janë dëgjuar mbi 100 dëshmitarë.
Ish-presidenti i Kosovës, ish-kryeparlamentarët kosovarë dhe ish-shefi i deputetëve të Lëvizjes Vetëvendosjes (LVV), akuzohen nga e Zyra e Prokurorit të Specializuar (ZPS) për vrasje të pretenduara, torturë e trajtim mizor në periudhën midis viteve 1998–1999.