Pas kallëzimit penal ndaj gazetarit Lirim Mehmetaj, Prokuroria: Do të analizohen veprimet e prokurores së rastit

Prokuroria Themelore në Prishtinë përmes një njoftimi për media ka bërë të ditur se e ka përcjellë me vëmendje debatin e zhvilluar në opinionin publik lidhur me çështjen e gazetarit Lirim Mehmetaj

Prokuroria Themelore në Prishtinë

Prokuroria Themelore në Prishtinë ka reaguar pas debatit të zhvilluar në lidhje me kallëzimin penal të ngritur ndaj gazetarit Lirim Mehmetajt.

Në njoftim bëhet e ditur se Prokuroria Themelore në Prishtinë ka pranuar kallëzim penal privat kundër Mehmetajt nga pala e dëmtuar D.M..

“Andaj, njoftojmë opinionin publik se veprimet e ndërmarra në këtë çështje janë në drejtim të trajtimit të kallëzimit penal, për të cilën Prokurori i Shtetit ka obligim ligjor të trajtojë dhe sqarojë të gjitha rrethanat të cilat pretendohen nga palët e përfshira në proceset që zhvillohen para Prokurorit të Shtetit”, thuhet në njoftim.

“Megjithatë, në situatën konkrete, kryeprokurori i Prokurorisë Themelore në Prishtinë,  Zejnullah Gashi, do t’i analizojë veprimet e prokurores së rastit për këtë çështje dhe do të vlerësojë nëse eventualisht ka tejkalim të kompetencave që nuk janë në përputhje me ligjin”, vijon tutje.

Më tej, prokuroria tha se Prokurori i Shtetit mbetet i përkushtuar për respektimin e lirisë së shprehjes dhe të drejtave të tjera të njeriut të cilat janë të garantuara me Kushtetutë dhe ligjet në fuqi.

Shija e redaktorit

Shkolla “Ismail Qemali” anëtarësohet në UNESCO Education Charter Club

Shkolla fillore e mesme e ulët “Ismail Qemali” në Prishtinë ka marrë konfirmimin zyrtar për themelimin e “Ismail Qemali UNESCO Education Charter Club”, duke...

“Dita e Forcës”, kazermat e FSK-së të hapura për qytetarët

Ministria e Mbrojtjes dhe Forca e Sigurisë së Kosovës, me rastin e Ditës së Forcës, sot duke filluar nga ora 09:00 deri në ora...

Enise Zijade, vajza tjetër e argjendtë e Kosovës

Xhudistja kosovare Enise Zijade ka shkëlqyer sot në Podgoricë, duke u renditur e dyta dhe duke siguruar medaljen e argjendtë. Ajo nisi garën me një...

Të fundit nga rubrika