Pas kritikave për mospublikimin e të dhënave, Kina raporton afër 60 mijë të vdekur me Covid-19

Zbulimi i papritur i rasteve të vdekjeve u bë pasi Kina përballet me kritika në rritje për sigurimin e të dhënave jo të besueshme për shpërthimin e fundit të koronavirusit

Shpërthimet e COVID-19 në Kinë, stafi mjekësor shihet pranë disa trupave të pajetë. Foto e Reuters 4 janar 2023.

Kina ka njoftuar të shtunën se pothuajse 60 mijë njerëz me Covid-19 kishin vdekur në spital që kur braktisi politikën e saj të rreptë “zero-Covid” muajin e kaluar, një rritje e madhe nga shifrat e raportuara më parë që pasojnë kritikat globale ndaj të dhënave të koronavirusit të këtij vendi.

Përpara njoftimit, Kina ka thënë se vetëm 37 persona kishin vdekur nga Covid që nga 7 dhjetori, ditën kur i dha fund politikës së saj “zero-Covid”.

Në fillim të dhjetorit, Pekini çmontoi papritur regjimin e tij të rreptë antivirus trevjeçar të testimeve të shpeshta, kufizimeve të udhëtimit dhe bllokimeve masive pas protestave të përhapura në fund të nëntorit, dhe rastet janë rritur që atëherë në të gjithë vendin prej 1.4 miliardë.

Një zyrtar shëndetësor ka thënë të shtunën se ethet Covid dhe shtrimet urgjente kishin arritur kulmin dhe numri i pacientëve të shtruar në spital po vazhdonte të bjerë.

Qytetarët shijojnë kohën e lirë në qendrën tregtare Solana më 24 dhjetor 2022 në Pekin, Kinë. Jeta në Pekin është kthyer gradualisht në normalitet pas ndryshimeve të politikës pandemike të qeverisë.

Mes datës 8 dhjetor dhe 12 janar, numri i vdekjeve të lidhura me Covid në spitalet kineze arriti në 59 mijë se 938, ka thënë në një konferencë për media Jiao Yahui, kreu i Byrosë së Administrimit Mjekësor nën Komisionin Kombëtar të Shëndetit (NHC).

Nga këto vdekje, 5 mijë e 503 u shkaktuan nga dështimi i frymëmarrjes për shkak të Covid dhe pjesa tjetër rezultoi nga një kombinim i Covid dhe sëmundjeve të tjera, ka njoftuar ajo, raporton Reuters.

Ndërsa, ekspertët ndërkombëtarë të shëndetit kanë parashikuar të paktën 1 milion vdekje të lidhura me Covid këtë vit, Kina kishte raportuar më parë pak më shumë se 5 mijë  vdekje që nga fillimi i pandemisë, një nga nivelet më të ulëta të vdekjeve në botë.

Autoritetet kishin raportuar pesë ose më pak vdekje në ditë gjatë muajit të kaluar – shifra që nuk përputheshin me radhët e gjata që shiheshin në shtëpitë e funeralit dhe çantat e trupave që shiheshin duke u larguar nga spitalet e mbushura me njerëz.

Kina është përballur me kritika në rritje nga vendet e tjera dhe nga Organizata Botërore e Shëndetësisë (OBSH), për mosdhënien e të dhënave të besueshme në lidhje me shtrirjen e shpërthimit të saj Covid dhe për numrin e vdekjeve në të gjithë vendin, pavarësisht skenave të përhapura të spitaleve, morgjeve dhe shtëpive funerale të tejmbushura në javët e fundit.

Shija e redaktorit

Trupat e FSK-së arrijnë në Adana, priten me duartrokitje nga...

Kontingjenti i parë i FSK-së në operacionin e kërkim-shpëtimit në zonat e prekura nga tërmeti në Turqi, tashmë ka arritur në Adana. Fondacioni SETA në...

Distria Krasniqi fiton medaljen e artë në garën më prestigjioze...

Xhudistja nga Kosova, Distria Krasniqi ka fituar medaljen e artë në turneun "Grand Slamin", i cili po mbahet në Paris të Francës. Distria nuk ndalon...

Albina Kelmendi dhe familja do të performojnë në natën e...

Shqipëria e cila këtë vit prezantohet nga Albina Kelmendi me familje me këngën “Duje”, do të performojnë në natën e dytë gjysmëfinale, më 11...

Më të lexuarat

‘Rikthehet’ analisti Dardan Gashi në Debat Plus me sondazh të...

Analisti Dardan Gashi, është rikthyer në emisionin Debat Plus në RTV Dukagnini, pasi kishte lëshuar debatin në mënyrë demostrative pas shfaqjes së një sondazhi...

Hapet aplikimi për shtesat për fëmijët e lindur në vitin...

Ministria e Financave, Punës dhe Transfereve ka njoftuar qytetarët se të enjten e 1 shtatorit është hapur aplikimi edhe për fëmijët e lindur nga...

Hapet aplikimi për shtesa për fëmijët e lindur nga viti...

Ministria e Financave, Punës dhe Transfereve ka njoftuar qytetarët të shtunën, për hapjen e aplikimit për fëmijët e lindur nga 1 janari i vitit...

Të fundit nga rubrika