Pas një urdhërarresti të lëshuar për përgatitje të veprave terroriste, një kosovar i kërkuar që nga data 9 nëntor 2016 është vetëdorëzuar të hënën në Prishtinë.
Policia e Kosovës ka njoftuar se i dyshuari ishte në kërkim për një rast që lidhet me aktivitetet terroriste dhe u paraqit vetë në polici më 16 shtator 2024.
“I dyshuari mashkull kosovar është dorëzuar vetë në polici. Urdhërarresti ishte lëshuar nga gjykata për veprën penale të përgatitjes së veprave terroriste,” thuhet në raportin 24-orësh të PK-së.
Me vendim të prokurorit, i dyshuari është dërguar në mbajtje.