Izraeli duke mbajtur marrëdhënie të shëndosha me Moskën për disa vite, kishte kërkuar të vepronte si forcë ndërmjetëse që nga pushtimi i Ukrainës dhe ishte përmbajtur në komentet për veprimet e forcave të presidentit rus, Vladimir Putin.
Megjithatë, Ministri i Jashtëm i Izraelit, Yair Lapid ka thënë të martën, në një deklaratë, se ”ka krime lufte të Rusisë në Ukrainë”, duke shënuar kështu, herën e parë që Izraeli ka bërë një pretendim të tillë në lidhje me luftën në Ukrainë.
”Imazhet dhe dëshmitë nga Ukraina janë të tmerrshme. Forcat ruse kryen krime lufte kundër një popullsie civile të pambrojtur. Unë i dënoj fuqishëm këto krime lufte”, tha ai.
BREAKING: Israeli foreign minister Lapid accuses Russia of committing war crimes in Ukraine: “The images and testimony from Ukraine are horrific. Russian forces committed war crimes against a defenseless civilian population. I strongly condemn these war crimes”
— Barak Ravid (@BarakRavid) April 5, 2022
Më herët sot, kryeministri izraelit, Naftali Bennett, dënoi vrasjen e civilëve të dokumentuar në Bucha, por nuk i mbajti përgjegjëse forcat ruse.
”Jemi të tronditur nga pamjet e tmerrshme në Bucha – skena të tmerrshme – dhe i dënojmë ato.Vuajtjet e qytetarëve ukrainas janë të mëdha dhe ne po bëjmë gjithçka që mundemi për të ndihmuar”, ka thënë Bennett, gjatë një konference për shtyp.
Yaroslav Trofimov i Wall Street Journal thotë se është hera e parë që Izraeli akuzon qartë Rusinë për krime lufte në Ukrainë.
Ndryshe, zyrtarët izraelitë kanë diskutuar disa herë me Vladimir Putinin në lidhje me mundësinë e arritjes së një marrëveshjeje të paqes mes Rusisë dhe Ukrainës.