Mjedrat janë fruta që përmbajnë sasi të bollshme të vlerave ushqyese dhe antioksidantëve, ndërkohë që ka disa lloje të tyre, të kuqet që janë më të shpeshta, si dhe të zeza, ngjyrë vjollcë e ngjyrë ari, të cilat janë më të rralla.
123 gramë mjedra përmbajnë, 64 kalori, 14.7 gramë karbohidrate, 8 gramë fibra, 1.5 gramë proteina, 54% të nevojës ditore të organizmit (RDI) për vitaminë C të, 41% RDI mangan, 12% RDI vitaminë K, 5% RDI vitaminë E, 4-6% RDI vitamina B, 5% RDI hekur, 7% RDI magnez, 4% RDI fosfor, 5% RDI kalium, 6% RDI bakër, ka shkruar HealthLine.
Antioksidantët që gjenden në këto fruta mund të luftojnë sëmundje të ndryshme si kanceri i zorrës së trashë, gjirit dhe mëlçisë, si dhe disa sëmundje të tjera kronike.
Për shkak të sasisë së madhe të fibrave, mjedrat, ndihmojnë kontrollimin e nivelit të sheqerit në gjak.
Për më shumë këto fruta të malit, përmbajnë komponime që quhen tannin, të cilat bllokojnë enzimet që tresin niseshtenë, me bllokimin e të cilës ulet absorbimi i karbohidrateve nga organizmi, pas konsumimit të ushqimit, gjë që ulë ndikimin në nivelin e sheqerit në gjak.
Mjedrat përmbajnë veti antiiflamatore, të cilat ndihmojnë zvogëlimin e simptomave të artritit, duke bllokuar enzimën që quhet COX-2, e cila shkakton inflamacion dhe dhimbje.
Ato mund të ndihmojnë edhe kundër peshës së tepërt për shkak të substancave kimike që gjenden në to që quhen ketone.
Vitamina C që gjendet në mjedra mund të ndihmojë kundër plakjes së lëkurës duke parandaluar rrudhat dhe hiperpigmentimin.