Janë arrestuar tre të dyshuar në Podujevë, të cilët pas një mosmarrëveshjeje janë përleshur në mes vete.
Në raportin 24-orësh të Policisë së Kosovës bëhet e ditur se gjatë kontrollit, tek një i dyshuar është gjetur dhe sekuestruar një shufër druri, ndërsa te një tjetër është gjetur një mjet i mprehtë (thikë).
Pas intervistimit, njëri nga të dyshuarit është dërguar në mbajtje, derisa dy të tjerët janë liruar në procedurë të rregullt.
“Të dyshuarit janë arrestuar dhe pas intervistimit me vendim të prokurorit njëri nga ta është dërguar në mbajtje, ndërsa dy të tjerët janë liruar në procedurë të rregullt”, thuhet në raportin policor.
Ky rast ka ndodhur gjatë ditës së djeshme, në orën 12:20.