Javën e fundit “raportet” mes Izraelit dhe Palestinës janë përshkallëzuar edhe më shumë, ku është shënuar dhunë vdekjeprurëse.
Në mesin e viktimave ishte një fëmijë pesëvjeçar – ndërsa 55 të tjerë u plagosën.
Lëvizja Palestineze e Xhihadit Islamik hodhi raketa drejt Izraelit si hakmarrje vetëm disa orë më vonë.
Stacionet televizive të Izraelit treguan se raketat u rrëzuan nga sistemet e mbrojtjes ajrore.
Nuk pati raportime të menjëhershme për viktima.
Tensionet janë rritur prej ditësh pas arrestimit të një udhëheqësi militant palestinez në fillim të kësaj jave.
Kryeministri i Izraelit mbrojti sulmet duke thënë se Izraeli do të bënte “çfarëdo që të duhej” për të mbrojtur popullin e tij.
Xhihadi Islamik u themelua në Gaza në vitet 1980 dhe kundërshton dialogun politik me Izraelin. Ata konsiderohen të jenë të afërt me Iranin dhe të ndarë nga Hamasi, por në përgjithësi bashkëpunojnë me lëvizjen.
Izraeli ka luftuar pesë konflikte me Gazën që nga viti 2009, duke përfshirë luftën 11-ditore të vitit të kaluar që vrau 250 palestinezë.
Sulmet ajrore dhe raketat e shtynë Izraelin dhe palestinezët në një ditë të dytë luftimesh, duke i dhënë fund më shumë se një viti qetësie relative përgjatë kufirit.
Dëshmitarët thanë se bomba të tjera kishin në shënjestër pesë shtëpi.