Gjatë kësaj të shtune pesë persona janë lënduar si pasojë e një aksidenti në rrugën Prishtinë – Fushë Kosovë.
Lajmin për portalin Dukagjini e ka konfirmuar zëdhënësja e policisë për rajonin e Prishtinës, Flora Ahmeti.
“Rreth orë 18:00 kemi pranuar informatën se në rrugën Prishtinë – Fushë Kosovë, ka ndodhur një aksident trafiku me lëndime. Si pasojë e aksidentit, lëndime trupore kanë pësuar pesë persona”, ka thënë Ahmeti.
Tutje, Ahmeti ka shtuar se në aksident kanë qenë të përfshira dy vetura, ndërsa me rastin po merret njësiti i trafikut.