Një person ka mbetur i plagosur pasi është gjuajtur me armë zjarri nё fshatin Lutogllavё të Pejёs, mbrëmjen e së shtunës.
Lajmin për Portalin Dukagjini e ka konfirmuar zëdhënësi i Policisë në Pejë, Fadil Gashi.
Gashi ka bërë të ditur se fillimisht policia ishte njoftuar për të shtëna me armë zjarri, dhe me të arritur në vendin e ngjarjes, ekipi mjekësor ka transportuar viktimën në spitalin Rajonal të Pejës e më pas, në Qendrën Klinike Universitare të Kosovës (QKUK).
“Viktima ishte plagosur dhe e kemi dërguar në spitalin rajonal dhe më pas në Qendrën Klinike Universitare”, ka thënë Gashi gjersa ka theksuar se edhe pse i dyshuari ishte larguar në drejtim të panjohur, i njëjti është arrestuar pas një rutine operativo-hetimore.
Në shtëpinë e tij janë gjetur arma pistoletë cal:7.65mm, njё fishek i gjallё dhe njё gёzhojё e sё njёjtёs armë, armë kjo me tё cilёn dyshohet se ёshtё kryer vepra penale.
Me vendim të prokurorit, pas intervistimit i dyshuari është ndaluar për 24 orë, ndërsa ndaj tij, është inciniuar vepra penale “vrasje e rёndё në tentativë”.