Zyrtarët komunalë të Podujevës kanë filluar procedurat për ndërtimin e parkingut nëntokësor në qytet.
Këtë lajm e ka bërë të ditur kryetari i Komunës së Podujevës, Shpejtim Bulliqi, i cili ka thënë se projekti i parkimit nëntokësor pritet të ketë rreth 10 mijë metra katrorë parking dhe përfshin edhe hapësirën ku rreth 1 mijë metra katrorë janë të destinuara për afarizëm.
“Komuna e Podujevës ka filluar procedurat për ndërtimin e parkingut nëntokësor. Projekti i parkingut nëntokësor parashihet të ketë rreth 10 mijë m² parking, po ashtu e ka të inkuadruar edhe hapësirën ku janë destinuar rreth 1000 m² për afarizëm”, ka shkruar Bulliqi në rrjetin social Facebook.
Sipas tij, parkingu nëntokësor planifikohet të ndërtohet në sheshin “Ali Ajeti”.
Ndërsa, sipas njoftimit të kërkesës për kualifikim, parkingu synohet të ndërtohet nëpërmjet partneritetit publiko-privat (PPP).