Janë arrestuar katër të dyshuar sepse të njëjtit kanë sulmuar fizikisht dy persona, pas një mosmarrëveshje rreth një kontesti pronësor.
Rasti ka ndodhur në Podujevë, gjatë ditës së djeshme në orën 11:20.
Në raportin ditor të Policisë së Kosovës bëhet e ditur se dy viktimat dhe tre të dyshuarit kanë pranuar tretman mjekësor.
“Podujevë 06.05.2024-11:20. Janë arrestuar katër të dyshuar meshkuj kosovarë, pasi që të njëjtit pas një mosmarrëveshje rreth një kontesti pronësor, i kanë sulmuar fizikisht dy viktimat meshkuj kosovarë, të cilëve u kanë shkaktuar lëndime të rënda trupore. Dy viktimat dhe tre të dyshuarit kanë pranuar tretman mjekësor. Me vendim të prokurorit është kontrolluar shtëpia e të dyshuarve, por nuk është gjetur asgjë ndërsa të dyshuarit pas intervistimit janë dërguar në mbajtje”, thuhet në raportin e policisë.