Zëvendësdrejtori i Policisë së Kosovës për veri të Mitrovicës, Veton Elshani, ka folur për RTV Dukagjini, ku ka thënë se situata e sigurisë në katër komunat veriore të Kosovës është e qetë dhe stabile.
“Policia është duke i kryer detyrat e veta sipas angazhimeve që i ka dhe nuk kemi ndonjë incident që e kemi regjistruar”, ka thënë Elshani për RTV Dukagjini.
Ndërsa, ai ka përfunduar duke thënë se pjesëtarët e Policisë së Kosovës po vazhdojnë të qëndrojnë pranë tri ndërtesave komunale në veri të Kosovës.