Policia jep detaje për plagosjen e tre personave në Podujevë

Policia e Kosovës ka dhënë detaje lidhur me rastin, ku theksohet se dy persona janë arrestuar dhe dy të tjerë janë në arrati





Tre persona kanë pësuar lëndime nga gjuajtja me armë në rrugën “Nuhi Gashi” në Podujevë, të martën e 25 tetorit.

Policia e Kosovës ka dhënë detaje lidhur me rastin, ku theksohet se dy persona janë arrestuar dhe dy të tjerë janë në arrati.

Personi i cili ka pësuar lëndime nga të shtënat e armës së zjarrit, vazhdon të marrë trajtime mjekësore në Qendrën Klinike Universitare të Kosovës, kurse dy të tjerët pas marrjes së tretmanit mjekësor janë liruar.

“Raportohet se ka ndodhur një përleshje në mes të dy familjeve ku ka pasur edhe të shtëna me armë zjarri. Si pasojë e të shtënave me armë zjarri, lëndime trupore ka pësuar i dyshuari mashkull kosovar, i cili vazhdon trajtimin mjekësor në QKUK. Pastaj si pasojë e xhamave të thyer, lëndime kanë pësuar edhe dy kalimtarë të rastit, viktimat meshkuj kosovarë të cilëve u është ofruar tretman mjekësor e më pas janë liruar për në shtëpi”, thuhet në njoftimin e policisë.

Në raportin 24 orësh të policisë thuhet se njësitë relevante policore kanë dalë në vendin e ngjarjes.

“Policia ka arrestuar dy të dyshuar meshkuj kosovarë, ndërsa edhe dy të dyshuar janë në arrati”, vijon njoftimi.

Me vendim të prokurorit të dyshuarve u është caktuar masa e ndalimit.

Njëri i dyshuar është dërguar në qendrën e mbajtjes, ndërsa tjetri vazhdon trajtimin në QKUK nën sigurimin e policisë.

Rasti vazhdon të hetohet nga njësitet kompetente policore.

Ndryshe, drejtori i emergjencës në QKUK, Naser Syla, kishte deklaruar se tre persona të plagosur nga sulmi në Podujevë janë pranuar në Klinikën Emergjente në QKUK.

Ai për Portalin Dukagjini kishte thënë se njëri prej tyre është në gjendje më të rëndë shëndetësore, kurse dy të tjerët në gjendje stabile.

“Tre të plagosur janë, dhe gjendja e tyre është stabile për momentin, u janë bërë ekzaminimet mjekësore, dy janë jashtë rrezikut për jetë, një është më në rrezik, por në gjendje stabile”, kishte thënë ai.





Shija e redaktorit

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Të fundit nga rubrika