Policia e Kosovës ka njoftuar se gjatë një aksioni në komunën e Zveçanit nën dyshimet për drogë, kanë gjetur edhe pajisje për prodhimin e kriptovalutave.
Vlera e makinerive për prodhimin e kriptovalutave sipas Policisë së Kosovës, vlerësohet të jetë rreth 55 mijë euro.
Sipas Policisë së Kosovës, gjatë aksionit janë gjetur prova si në vijim:
– Katër (4) kamera video-incizim
– DVR
– Makinë për nxjerrjen e kriptovalutave, me gjashtë (6) karta
– Makinë për nxjerrjen e kriptovalutave, me gjashtë (6) karta
– Makinë për nxjerrjen e kriptovalutave, me tetë (6) copë karta
– Monitor me tastierë
– Nëntëmbëdhjetë (19) copë makineri për nxjerrjen e kriptovalutave, lloje të tjera
– Ndarës i kabllove në internet për minierat e kriptovalutave
– Modem interneti
– Ruter
– Ventilator.
Në njoftimin e Policisë së Kosovës thuhet se, në lidhje me këtë çështje është kontaktuar ushtruesin i detyrës së Prokurorit të Shtetit, i cili sipas Policisë, ka urdhëruar që të kontaktohet dogana e Kosovës për t’i marrë veprimet e mëtutjeshme. Policia ka bërë të ditur se është në kërkim të të dyshuarit.