Presidentja e Hungarisë, Katalin Novak, ka deklaruar se vendi i saj do të bëjë gjithçka për të integruar Ballkanin Perëndimor në Bashkimin Evropian.
Në një postim në platformën “X”, Novak teksa ka qenë pjesëmarrëse në Samitin e Procesit të Berlinit, organizuar për të parën herë në Tiranë, jashtë kufijve të BE-së, ka thënë se në gjysmën e dytë të vitit 2024, do ta përshpejtojnë procesin.
“Hungaria do të bëjë gjithçka që është e mundur për integrimin e Ballkanit Perëndimor në BE dhe kur të marrim presidencën e Bashkimit Evropian në gjysmën e dytë të vitit 2024, do ta përshpejtojmë procesin”, thekson Novak.
#Hungary will do everything possible for the EU integration of the Western Balkans, and when we assume the presidency of the European Union in the second half of 2024, we will speed up the process. #BerlinProcess #Tirana pic.twitter.com/5botHFEyMl
— Katalin Novák (@KatalinNovak_HU) October 16, 2023
Novak po ashtu shton se Hungaria dhe Bashkimi Evropian, ka nevojë për Ballkanin Perëndimor, po aq sa Ballkanit i nevojitet Evropa.
Ajo vuri theksin në stabilitetin e rajonit, i cili është i nevojshëm dhe shtoi se sa Evropa dhe as Hungaria, nuk mundet të jenë të sigurta, pa një Ballkan të sigurt.