Emisioni sportiv më i shikuar në Kosovë ‘Dueli Sportiv’ vjen sonte me një edicion special, nga ora 20:00.
Mbulimi i ‘Profi Box Gala’ ku do të zhvillohen tetë meçe të boksit do të transmetohet ekskluzivisht në RTV Dukagjini.
E përballja kryesore e mbrëmjes do të jetë mes boksierit shqiptar Shefat Isufi ndaj Armenak Hovhannisyan.
Para dhe pas përfundimit të meçeve do të diskutohet rreth meçeve, për t’i analizuar ato në detaje me të ftuar special.
Kjo nuk është e gjitha.
Vëmendje do t’i kushtohet edhe ndeshjes të shumëpritur mes Kosovës dhe Zvicrës.
Lidhje direkte nga stadiumi ‘Fadil Vokrri’, intervista me tifozë, mund t’i shikoni vetëm në emisionin ‘Dueli Sportiv’.
Teksa, nga studio analistët dhe trajnerët do të japin mendimin e tyre për këtë takim.
Pra, sonte adhuruesit e sportit kanë vetëm një adresë, RTV Dukagjini.