Prokuroria Themelore në Gjakovë gjatë muajit gusht të vitit 2022 ka ngritur 20 aktakuza ndaj 20 personave për veprën penale “Dhuna në familje”.
Po ashtu, gjatë këtij muaji, prokuroria ka bërë kërkesë për caktimin e masës së paraburgimit ndaj 14 (katërmbëdhjetë) personave të dyshuar si kryes të kësaj vepre penale, të cilat janë aprovuar nga gjykata kompetente, dhe për momentin të njëjtit gjenden në paraburgim, dhe ndaj tyre është duke u zhvilluar procedura hetimore.
Në një komunikatë për media është thënë se Prokuroria Themelore në Gjakovë është e angazhuar që të kryejë me seriozitet të lartë të gjitha rastet, e me prioritet të veçantë ato qe kanë të bëjnë me dhunën ne familje.
Ndërsa, gjatë muajit korrik të këtij viti, në të gjithë vendin janë raportuar një mijë e 570 raste të dhunës në familje. Kjo shifër, e ndarë në muaj, nxjerr një mesatare të frikshme prej mbi 220 rastesh për muaj të rasteve të raportuara.
Sipas të dhënave që policia i ka dërguar RTV Dukagjinit, numri i viktimave përfshin një mijë e 324 gra dhe 280 burra.