Ministria e Financave, Punës dhe Transfereve ka bërë të ditur se në bazë të Ligjit për Aftësimin, Riaftësimin Profesional dhe Punësimin e Personave me Aftësi të Kufizuara, punëdhënësit obligohen që për çdo 50 të punësuar, të punësojnë së paku një person me aftësi të kufizuara.
Ndërsa, nga MF bëjnë me dije se punëdhënësit qoftë të sektorit privat apo publik, nëse nuk e përmbushin këtë obligim ligjor, atëherë ata obligohen të paguajnë kontribute mujore në lartësi të shumës së pagës minimale.
“Ministria e Financave, Punës dhe Transfereve, në linjë me programin Qeverisës, mbetet e përkushtuar për të krijuar qasje të barabartë në tregun e punës për të gjitha kategoritë shoqërore”, thuhet në njoftimin e Ministrisë së Financave, Punës dhe Transfereve.
Njashtu, bëhet e ditur se kontributet mujore mund të paguhen në Thesar me të dhënat që shihni në foto.