Invalidi i luftës së fundit, Xhevdet Qeriqi, i ftuar në emisionin “Five” në televizionin Dukagjini, lidhur me organizimin e festës së 17 shkurtit, ka thënë se kjo festë ka qenë më e “zbehtë” krahasim me vitet e kaluara, dhe se institucionet, qoftë ato lokale apo qendrore, duhet të kenë përkushtim dhe angazhim më të madh për të festuar shumë më shumë.
“17 shkurti është festa më e rëndësishme e vendit tonë dhe e këtij populli, pas një sakrifice të madhe dhe pas gjakut të derdhur të luftëtarëve të UÇK-së. Është një festë e veçantë dhe duhet të ketë përkushtim dhe organizime më të mëdhaja, sepse meriton kjo festë të ketë organizime më të madhe. Fatkeqësisht, festa e fundit ka qenë më e zbehtë se vitet e kaluara. Qoftë institucionet qendrore dhe ato locale, duhet të kenë një angazhim më të madh që të festohet shumë më shumë”, është shprehur Qeriqi.
Qeriqi ka shtuar se një nga mënyrat e angazhimit të institucioneve për nder të festës, duhet të jetë “organizimi i programeve kulturore për t’i mbledhur qytetarët, të cilët kanë dëshirë për të festuar”.