Në llogarinë e Korporatës Elektroenergjetike të Shqipërisë është vendosur fondi me vlerë 160 milionë euro nga Ministria e Financave dhe Ekonomisë. Qëllimi i dhurimit të fondit është mundësia për të përballuar blerjet e energjisë për muajt e verës dhe shtatorin.
Korporata Elektroenergjetike e Shqipërisë, deri në fund të majit 2023 ka siguruar me fondet e veta energjinë elektrike. KESH pritet të mbyllë këtë vit me 65 milion euro humbje.
Fondi për KESH-in pritet të jetë i mjaftueshëm për muajt e mbetur, ndërsa vjeshta dhe dimri parashikohet që furnizimi me energji të përballohet me prodhimin vendas.
Çmimet e energjisë gjatë ditës së sotme (e premte) kanë arritur në 462 euro për megavat orë, duke u ulur me 10 euro krahasuar me një ditë më parë.