Qeveria e Kosovës e ka miratuar Projektligjin për Ratifikimin e Traktatit në mes Kosovës dhe Danimarkës, për shfrytëzimin e e Institucionit Korrektues në Gjilan me qëllim të ekzekutimit të dënimeve daneze.
Siç njofton zyra e kryeministrit, burgu i Gjilanit do të shfrytëzohet për ekzekutimin e dënimeve daneze.
“Qeveria e Republikës së Kosovës ka zhvilluar mbledhje elektronike në të cilën ka miratuar Projektligjin për Ratifikimin e Traktatit ndërmjet Republikës së Kosovës dhe Mbretërisë së Danimarkës, për shfrytëzimin e Institucionit Korrektues në Gjilan me qëllim të ekzekutimit të dënimeve daneze.
Çështja kryesore e trajtuar në këtë projektligj është ratifikimi i Traktatit ndërmjet Republikës së Kosovës dhe Mbretërisë së Danimarkës për shfrytëzimin e Institucionit Korrektues në Gjilan me qëllim të ekzekutimit të dënimeve daneze, të nënshkruar nga Ministrat e Drejtësisë të të dy vendeve, më 26 prill 2022 në Prishtinë dhe 16 maj 2022 në Kopenhagë të Danimarkës”, thuhet në njoftim.