Qeveria e Kosovës, të premten, ka marrë vendim për t’i subvencionuar komunat që janë prekur gjatë vërshimeve në shtator të 2022-ës dhe janar të 2023-ës.
Ministri i Financave, Hekuran Murati, ka thënë se kanë ndarë 9 milionë euro për ta mbuluar 90% të vlerës investive.
“Nga tri kategoritë që janë të ndara, që janë ekonomitë familjare, bujqësia dhe bizneset. Kemi portretizuar që me urgjencë ta mbështesim kategorinë e ekonomive familjare. Për këtë qëllim kërkojmë që të ndahen 9 milionë euro”, ka thënë Murati.