Kryeministri i Shqipërisë, Edi Rama, e ka përshëndetur mbërritjen e internetit satelitor “Starlink” në vendin e tij.
Përmes një postimi në Facebook, i pari i qeverisë së Shqipërisë ka shprehur mirëseardhje për pronarin e kompanisë Starlink, Elon Musk.
“Mirë se erdhe Elon”, ka shkruar Rama në Facebook.
Kompania amerikane sot ka njoftuar se interneti satelitor Starlink ka mbërritur edhe në territorin e Shqipërisë.
Në rrjetin social X, Starlink njoftoi se interneti me shpejtësi të lartë tashmë është në dispozicion.
Starlink now available in Albania! https://t.co/FD0PWaAYED
— Elon Musk (@elonmusk) April 9, 2024
Në hartën e shtrirjes së internetit satelitor figuron edhe Shqipëria, si zonë aktive me këtë internet.
Starlinku është kompani që udhëhiqet nga miliarderi Elon Musk.
Edhe disa vende të rajonit si Maqedonia e Veriut dhe Kroacia posedojnë këtë rrjet interneti.