Kreu i Prishtinës, Përparim Rama, u ka uruar të gjithëve Krishtlindjet.
Rama thotë se këto ditë le të na kujtojnë vlerat njerëzore si dashurinë, paqen, mirësinë dhe respektin për njëri-tjertin, njofton Dukagjini.
“Këto ditë drite e shprese le të na kujtojnë vlerat më të bukura njerëzore: dashurinë, paqen, mirësinë dhe respektin për njëri-tjetrin. Shqiptarët kanë qenë gjithmonë shembull i bashkëjetesës fetare, ku besime të ndryshme jetojnë në harmoni, duke u bashkuar në vlera të përbashkëta dhe në dashurinë për atdheun”, ka shkruar Rama.
Tutje, Rama uron që Krishtlindjet të sjellin paqe në çdo familje.
“Le ta ruajmë dhe forcojmë këtë trashëgimi të çmuar, duke ndërtuar ura mirëkuptimi dhe solidariteti. Uroj që Krishtlindjet të sjellin paqe në çdo familje, shëndet, begati dhe më shumë dashuri mes nesh, pa dallim feje apo bindjeje. Gëzuar Krishtlindjet dhe qofshi gjithmonë të bashkuar në paqe e vëllazëri!”, ka shkruar Rama.