Analisti Sadri Ramabaja, duke komentuar dëshminë e gjeneralit Wesley Clark në Hagë, tha se mbrojtja e ish-krerëve të UÇK-së nuk duhet të mohojë “hierarkinë e brishtë” që kishte gjatë luftës, sepse një qasje e tillë po dëmton historinë.
Komentet e Ramabajës vijnë pas dëshmisë së Clarkut, i cili deklaroi se Thaçi nuk ishte komandant ushtarak i UÇK-së dhe se organizata nuk kishte një zinxhir të plotë komande që mund të ishte i panjohur për NATO-n apo SHBA-të.
“Të gjithë atje që janë duke u mbrojtur, do të duhej të mbroheshin sipas modelit të Nasmit. Nuk ka nevojë të mohohet edhe ajo hierarki e brishtë e UÇK-së. Pjesërisht po. Dhe kjo është në koston e historisë sonë, përkundrazi. Aq sa ka funksionuar, e brishtë e brishtë. Ne kemi pasur pjesë të historisë dhe krenarisë sonë”, ka thënë Ramabaja.