Analisti politik, Sadri Ramabaja, në Debat Plus ka komentuar situatën pas dështimit të seancës për zgjedhjen e Qeverisë së re, duke thënë se racionaliteti në politikën kosovare “ka migruar dhe është arratisur kaherë”.
Ai ka shtuar se arritja e marrëveshjes së LVV-së me disa deputetë të LDK nuk u realizua dhe se sipas tij, janë fokusuar më shumë te interesi i partive sesa te interesat e qytetarëve.
“Nga politika kosovare racionaliteti ka migruar është arratisur kaherë. Dhe nuk u arrit një çështje e tillë. Prisja pasi kam pasur informacione se ka pasur bisedime me disa deputetë të LDK dhe mendoja se megjithatë një kategori që thirren shumë në interesin e shtetit, qytetarëve. Po ti kishin besuar me shumë institucioneve përgjegjëse të LDK ata nuk do të kishin biseduar por atyre iu ka interesuar mbi të gjitha interesi i Republikës.
Përgjegjësinë e kanë të gjithë por mbi të gjitha përgjegjësinë e ka opozita që na ka zvarritur gjatë kohë, edhe Kurti ka Përgjegjësi pasi ka pasur mundësi që disa çështje që ndërlidhen me votimin e kryeparlamentarit të zgjidhen më herët”, ka deklaruar Ramabaja në Debat Plus.