Kryetari i Prishtinës, Përparim Rama, ka bërë të ditur se tashmë nuk do të ketë lista të pritjes për mamografi.
Përmes një njoftimi në Facebook, Rama ka thënë se një shërbim i tillë do të ofrohet në kohë reale në ambintet e QKMF dhe QMF – V.
“Me stafin e QMF-së , identifikuam nevojat dhe kërkesat e tyre, në mënyrë që vazhdimisht të përmirësojmë shërbimet për qytetarët”, shkroi Rama.
Mamografia për efekt kontrolli rutinë, rekomandohet për të zbuluar ndryshime të gjirit te femrat të cilat nuk shfaqin shenja, simptoma apo anomali të tjera të gjoksit.
Qëllimi i këtyre kontrolleve është zbulimi i kancerit përpara shfaqjes së dukshme të shenjave klinike madje rreth dy vite para shfaqjes së tyre.