Finalja e Superkupës së Spanjës sjell një tjetër përballje të zjarrtë mes rivalëve të përjetshëm, Real Madrid dhe Barcelona.
Ndeshja do të luhet këtë të diel duke filluar nga ora 20:00, në King Abdullah Sports City në Jeddah, Arabia Saudite, me fillim nga ora 22:00 me kohën lokale (19:00 GMT).
Trajneri Carlo Ancelotti ka vendosur të mos ndryshojë formulën e tij fituese, duke rikonfirmuar formacionin 4-3-3. Jude Bellingham pritet të luajë në një rol më të thellë në mesfushë, duke kontribuar më shumë në aspektin mbrojtës, për shkak të pranisë së superyllit Kylian Mbappé, i cili bashkohet në sulm me Vinicius Junior dhe Rodrygo.
Formacioni i Real Madrid:
Courtois, Vazquez (C), Tchouameni, Rudiger, Mendy, Valverde, Camavinga, Bellingham, Rodrygo, Vinicius, Mbappé.
Barcelona do të përballet me sfidën e madhe të El Clasicos pa disa nga lojtarët kryesorë, si Andreas Christensen dhe Marc-Andre ter Stegen. Inaki Pena pritet të jetë zgjedhja e parë në portë, ndërsa Dani Olmo dhe Pau Victor janë në dispozicion pas regjistrimeve të përkohshme.
Formacioni i parashikuar i Barcelonës:
Pena, Kounde, Cubarsi, Martinez, Balde, Casado, Pedri, Lamine Yamal, Olmo, Raphinha, Lewandowski.
Përballja mes këtyre dy gjigantëve të futbollit pritet të dhurojë emocione dhe spektakël, ndërsa tifozët e të dyja skuadrave janë të etur për të parë kush do të ngrejë trofeun në fund të mbrëmjes.